Nënkryetarii Partisë Demokratike Edi Paloka, ka reaguar pas përfundimit të takimit mes kryeministrit Rama dhe deputetëve të opozutës parlamentare për Reformën Zgjedhore, ku nuk pati asnjë marrëveshje.
Pas takimit Rama u shpreh i keqardhur ndërsa ftoi Bashën që të bashkëpunonin për të arritur konsensusin me deputetët e opozitës parlamentare. Ndërkohë që vetë deputetët e opozitës këmbëngulën se nuk do të votojnë një reformë ku nuk ka ndryshim sistemi.
Pas këtyre deklaratave ka ardhur dhe reagimi i Palokës i cili e cilëson një teatër totalisht të stisur dhe të projektuar nga vetë regjisori Rama.
Ja postimi i Palokës:
Për mëngjes teatër kukullash, për drekë dramë, për darkë komedi. Teatër dhe vetëm teatër. Kaq mund t’u ofrojë Edi Rama shqiptarëve për të bërë që të duken si të pavarur ata që i fut nga njëri xhep dhe i nxjerr nga tjetri.
Skena që patë nga kryesia e Kuvendit, ku dikush bën si zemërthyer për sistemin dhe dikush tjetër si dashnor i zgjedhjeve të lira, është vetëm një pjesë e dështuar teatrale e regjisorit kryeministër. Ata janë të gjithë në një thes dhe i vetmi mision që kanë është të mbajnë në këmbë parlamentin e kalbur nga votat e blera me drogën e Niçes dhe korrupsionin e Edvinit.
