Futbolli Italian rifillon ditën e premte me ndeshjen Juventus-Milan, e vlefshme për gjysmëfinalen e Kupës së Italisë.
Ndeshja e parë mes skuadrave në “San Siro” ka përfunduar me rezultatin e barabartë 1-1. Ndërkohë gjysmëfinalja e dytë është ajo mes Napolit dhe Interit, ku napolitanët kanë avantazhin e një goli të arritur në fitoren e tyre në fushën e zikaltërve.
Ndërkohë dy sfidat e kthimit duket e sigurt që do të luhen pa kohën shtesë, një ndryshim ky i formatit për të shmangur sforcimin fizik për lojtarët, që po kthehen nga një ndalesë e gjatë disamujore për shkak të pandemisë së coronavirusit.
Kështu në rast të një rezultati identik me atë të ndeshjes së vajtjes, ekipet shkojnë direkt te gjuajtjet e penalltive për të përcaktuar se cila do të hyjë në finale.
