Çmenduria e motit/ Përmbytje në shumë qytetet! Në Gramsh rrufeja vret 15 bagëti, shpëtojnë mrekullisht barinjët (Video)

Një ngjarje e rëndë ka ndodhur këtë pasdite në Gramsh, ku shkrepëtima e rrufesë ka vrarë 15 kokë bagëti. Për fat të mirë nga rrufeja kanë shpëtuar katër çobanët, raporton BË.

Ngjarja ka ndodhur në fshatin Broshtan, rreth orës 15:30, kur në zonë kanë filluar reshjet e shiut.

Çobanet kanë qenë duke mjelë bagëtitë në orarin e drekës, kur papritmas vetëtima e rrufesë ka goditur në një peme, e cila ndodhet brenda rrethimit të vathës, e si pasojë kanë ngordhur 15 krerë dhi.

LEXO EDHE  Treguesit, maturantët shqiptarë njohin më mirë gjuhët e huaja se shqipen

Sajmir Kumria, pronar i tufës së dhive, tregon videot me bagëtitë e ngordhura në vath. Të katër çobanët janë të traumatizuar nga ç’kanë parë në momentin kur rrufeja ka goditur mbi bagëtinë.