Presidenti i Atletico Madrid, Enrique Cerezo, beson se “skuadra e tij speciale” mund të fitojë Ligën e Kampioneve edhe pa praninë e fansave.
Kompeticioni kontinental pritet të rifillojë sezonin e saj në muajin gusht pasi u pezullua në mars për shkak të përhapjes së coronavirusit, ndërsa La Liga rifillon më 11 qershor.
Skuadra spanjolle eliminoi në raundin e 1/16-ve, kampionët në fuqi, Liverpool-in. Tashmë ekipi i drejtuar nga Diego Simeone do të njohë skuadrën që do të përballet në vijimësi të kompeticionit.
Ashtu siç raporton “Moviestar”, në lidhje me shanset e ekipit të tij që më në fund të fitojë Championsin, Enrique Cerezo, ka deklaruar:
“Ne jemi tepër specialë. Mund të fitojmë Ligën e Kampioneve pa praninë e fansave. Mund të jetë viti ynë. Në kampionat gjendemi në një situatë të vështirë dhe në Champions jemi në pozita të shkëlqyera. Me pak ndeshje mund të arrijmë në finale, aty ku dhe është synimi ynë. Ai (trajneri Simeone) është shumë i qetë dhe ka besim në atë që po bën dhe do të na udhëheqë në katër skuadrat më të mira.”
