Mbrojtësi i Juventusit, Matthijs de Ligt, beson se Cristiano Ronaldo është lojtari më i mirë i gjeneratës së tij.
Në moshën 35 vjeçare, portugezi, po mban akoma një standard të lartë në fushën e lojës, ndërsa këtë sezon ka shënuar 25 gola në 32 ndeshje në të gjitha kompeticionet duke përfshirë këtu 11 gola në 11 ndeshje radhazi në Serie A.
Duke folur për “Tuttosport”, qendërmbrojtësi ka lavdëruar përgatitjen fizike të portugezit që e lejon atë të ketë një rendiment të lartë edhe në moshën 35 vjeçare si askush më parë.
“Ronaldo është lojtari më i mirë i gjenaratës së tij dhe një shembull i jashtë zakonshëm për lojtarët e rinj. Unë dua gjithmonë të përmirësoj lojën time duke parë atë sepse edhe në stërvitje ai ka një intensitet të çmendur që të bën të harrosh që ai është 35-vjeç.”
