Bayern Munich luan sot në orën 15:30 në transfertën e vështirë të Bayern Leverkusen, sfidë kjo e vlefshme për javën e 30-të të Bundesligës.
Klubi bavarez ka vënë njërën dorë te titulli i tetë rresht në Gjermani, pasi ndërsa kanë mbetur vetëm 5-së ndeshje për tu zhvilluar, distance me Dortmundin e vendit të dytë është 7 pikë dhe një sukses në ndeshjen e sotme praktikisht do të “vriste” çdo shpresë të verdhezinjve.
Gjithsesi trajneri i skuadrës Hans–Dieter Flick, e njeh shumë mirë forcën e kundërshtarit që ka përballë, pasi humbjen e parë në stolin e bavarezëve ia shkaktoi pikërisht ekipi i Leverkusenit në fundin e muajit nëntor, për më tepër brenda në Mynih, pas dy golave të realizuar nga xhamajkani Leon Bailey.
Për sa i përket mungesave për Bayern-in nuk do të jenë në dispozicion lojtarë si Countinho, Thiago Alcantara, Tolisso dhe Sule por që sigurisht organika e skuadrës është e pasur me lojtarë të tjerë të mëdhenj dhe deri më tani kanë kaluar çdo pengesë.
Nga ana tjetër për Leverkusenin nuk është i gatshëm vetëm mesfushori Lars Bender, i cili vuan nga një dëmtim në këmbë.
Nga ana tjetër Borussia Dortmund do të presë në shtëpi Herthën e Berlinit. Një sfidë që duhet fituar edhe pse shpresat për titull kampion pothuajse janë shuar në kampin verdhezi veçanërisht pas humbjes në ndeshjen direkt me Bayern-in.
Takimi do të luhet në orën 18:30 dhe vendasit do të duhet të bëjnë pa disa lojtarë të rëndësishëm si Hummels, Reus, Schulz ndërsa në dyshim është sulmuesi Erling Haaland.