Kur më 22 gushtin e 1957-ës lëshoi një të djathtë që hodhi në tapet kampionin e botës të peshave të rënda Floyd Patterson, Pete Rademacher mendoi se ishte në një takim me historinë.
Ishte raundi i dytë, por Patterson u ngrit dhe i dha një leksion boksi, duke e ndëshkuar në raundin e gjashtë me një seri hedhjesh në tapet. Në të vërtetë, Pere Rademacher, i ndarë nga jeta të enjten në moshën 91 vjeç, kishte hyrë në histori në momentin që u ngjit në atë ring të Seattle-it.
Duke prekur dorezat me Patterson, në fakt, ai vendosi një rekord që nuk do të mund të thyhet kurrë: kampion olimpik në 1956-ën në Melbourne dhe ndeshja e tij e parë si profesionist ka qenë një ndeshje për titullin botëror. – raporton Telesport.
Një eksperiment teknikisht “i çmendur”, që është përsëritur edhe në 2014-ë nga Lomachenko, por që ishte në ndeshjen e tij të dytë si profesionist dhe që u mund nga Salido. Ai arriti ta fitonte titullin në tentativën e tretë, duke barazuar rekordin e tajlandezit Seanseak Muangsurin (i vendosur në 1975).
Ajo me Patterson ka qenë ndeshja e vetme për titullin për Rademacher, i cili vazhdoi të ngjitej në ring deri në 1962-shin, duke u përballur edhe me boksierë me emër si legjendari Archi Moore. Ai zhvilloi 23 ndeshje në karrierën e tij, duke marrë 15 fitore dhe 7 humbje.
Megjithatë, askush nuk do të mund t’ia heqë atë rekord. /Telesport