Tronditet Kruja/ Ekzekutohen 2 vëllezër, 3 persona të tjerë plagosen me mjete të forta

Një ngjarje e rëndë ka ndodhur këtë mbrëmje në Krujë. Sipas informacioneve paraprake, kanë mbetur të vdekur dy persona.  Ata janë identifikuar si dy vëllezër, Gramoz Bardhi 34 vjeç dhe Xhentil Bardhi 24 vjeç. Dyshohet se ngjarja ka ndodhur për motive hasmërie.

Mësohet se autori është identifikuar nga policia. Këta të fundit janë vënë në ndjekje të tij. Në ndihmë të Komisariatit të Policisë Krujë kanë shkuar dhe forca të Policisë së Durrësit dhe FNSH e Tiranës ku vijon krehja e zonës për kapjen e autorit.

Njoftimi i Policisë:

Krujë/Informacion paraprak

Më datë 04.06.2020, rreth orës 22:25, në fshatin Gramëz, Krujë, në rrethana ende të paqarta janë plagosur më armë zjarri shtetasit G.B., 34 vjeç, dhe Xh.B., 24 vjeç, (vëllezër), të cilët janë dërguar në spital por rrugës kanë ndërruar jetë.

Në ndihmë të Komisariatit të Policisë Krujë kanë shkuar dhe forca të DVP Durrës dhe FNSh e Tiranës ku vijon krehja e zonës për kapjen e autorit.

Menjëherë është ngritur Grupi hetimor dhë në ndihmë të tyre janë nisur dhe Specialistët e Krimeve të Rënda në Departamentin e Policisë Kriminale dhe nën drejtimin e Prokurorisë së Rrethit Krujë po punohet për sqarimin dhe dokumentimin e plotë të rrethanave të ngjarjes.

Ndërkohë që më herët në si pasojë e një sherri masiv në Krujë, kanë mbetur edhe 3 persona të plagosur, të cilët fillimisht raportuan sikur kjanë përplasur me shtyllën.

LEXO EDHE  Itali/ Ulen vdekjet, rriten rastet e reja nga koronavirusi

Të plagosur kanë mbetur Artur Çangu nga Vrioni i Nikles, i cili është paraqitur në spitalin me dëmtime të shumta në trup dhe kokë, por ka deklaruar qe është rrezuar.

Ndërsa i plagosuri tjetër Rexhep Disha, po nga Vrioni është paraqitur në qendrën shëndetësore të Fushë-Krujës edhe ky me plagë të shumta në trup dhe kokë ku ka deklaruar se është përplasur me një shtyllë.