Rudina Hajdari, anëtare e Këshillit Politik, tha se kërkesa për Qeveri tranzitore, nuk është pjesë e diskutimeve mes këtij këshilli dhe ambasadorëve.
Por ish-deputetja demokrate Grida Duma, e ftuar në “Tempora” u shpreh se PD do të vijë në pushtet me votë dhe qeveri tranzitore.
“Ajo që do të zgjidhim është marrja e pushtetit me votë, me zgjedhje të parakohshme dhe me qeveri tranzitore. Pa diskutim do ta marrim pushtetin me votë, dhe nuk e kemi lënë në biseda tavolinash apo në dorë të ndërkombëtarëve.
Ne e dimë misionin tonë për të ndërtuar një gur në pjesën formale në ligjvënie dhe për të kuptuar se disa gjëra e tejkalojnë ligjin”, tha ajo.
Lidhur me sistemin zgjedhor, Duma tha se do të punojmë për përmirësimin e sistemit dhe hapjen e tij, ne duhet të punojmë për embrionin e tij, që është vota e lirë.
“Bëni çfarë të doni me sistemin, se jam për listat e hapura kombëtare, pasi gjithçka nis nga vota e lirë”, tha Duma.
