Një sasi e konsiderueshme e mallrash ushqimorë është sekuestruar në Doganën e Durrësit për shkak se nuk ishin paguar detyrimet tatimorë që kapin vlerën e 700 mijë lekëve.
Drejtoria e Doganave, Durrës njofton se mallrat ishin të futur në një kamion, i cili importonte material porositësi (fason).
“Sekuestrohen mallra ushqimore të padeklaruara, detyrimi i munguar doganor 700 mijë lekë
Strukturat e Administratës Doganore kanë sekuestruar një sasi të konsiderueshme mallrash ushqimore në Degën Doganore të Durrësit.
Mallrat, të cila ishin të futura në një kamion, i cili importonte material porositësi (fason), ishin të padeklaruara”, thuhet në njoftim.
