Skandali që ka ndodhur me një 15-vjeçare, ndaj të cilës është abuzuar prej 4 vitesh nga roja i shkollës dhe disa të rinj, ka tronditur opinionin.
Ndërsa autorët e dyshuar të këtij abuzimi janë arrestuar, burime nga Prokuroria shprehen se hetimet do të përfshijnë edhe drejtuesit e shkollës apo stafin pedagogjik.
Mësohet se në kuadrin e hetimeve ato do të merren në pyetje, veçanërisht pas pretendimeve të familjarëve se drejtuesit e shkollës dhe stafi pedagogjik mund të kenë qenë në dijeni të skandalit.
Burime pranë Prokurorisë thanë se po verifikohen të gjitha veprimet e drejtuesve të shkollës, nëse kanë pasur ose jo dijeni lidhur me abuzimin seksual nga ana e Abaz Dogës, i cili punonte si roje, dhe nuk kanë raportuar në organet kompetente.
Abaz Doga, 65-vjeç, punonte prej disa vitesh si roje i shkollës 9-vjeçare “Azem Hajdari”. Ai tashmë është arrestuar bashkë me disa të rinj të tjerë.
