Zyrtare/ PSG blen përfundimisht Icardin, ja detajet e marrëveshjes

PSG-ja ka blerë përfundimisht kartonin e Mauro Icardit nga skuadra e Interit për shifrën e 58 milionë eurove.

Lajmin e ka konfirmuar skuadra italiane ku në një komunikatë të publikuar në rrjetet sociale thuhet: “Klubi i Interit njofton transferimin e Mauro Icardit te PSG-ja, sulmuesi i lindur në vitin 1993, ka nënshkruar përfundimisht me klubin francez.”

Kontrata e Icardit me PSG-në do të jetë e vlefshme deri në verën e vitit 2024. Ndërkohë, “Sky Sport Italia”, ka bërë të ditur se PSG-ja i detyrohet Interit edhe 15 milionë euro të tjera, nëse klubi francez vendos që të shesë futbollistin në një klub italian.

LEXO EDHE  Kategoria e Parë rikthehet në fushë, luhet për mbijetesën

Sulmuesi argjentinasi kaloi në formën e huazimit në kryeqytetin francez verën e kaluar, ndërsa tashmë ai është zyrtarisht lojtar i kampionëve të Francës.