Vijon java e 29-të e Bundesligës, në fushë zbresin Dortmundi dhe Monchegladbach

Java e 29-të e Bundesligas vijon sot me dy takime të tjera. Borussia Monchegladbach sfidon në shtëpi Union Berlin, ndërsa Dortmundi luan në trasnfertën e Paderbornit.

Kështu Moenchengladbach do të kërkojë fitoren për t’u rikthyer në 4-shen e parë  dhe për të rritur besimin brenda skuadrës, duke parë që në dy ndeshjet e fundit kanë grumbulluar vetëm 1 pikë. Përballë do të kenë modestët e Union Berlin të cilët nuk po kalojnë aspak një moment të mirë. Kjo ndeshje luhet në orën 15:30.

LEXO EDHE  Derbi i kryeqytetit, Sormani përgatit formacionin anti-Tiranë

Dortmundi zbret në fushë në orën 18:00 ku do të përballen  me skuadrën e vendit të fundit Paderborn, që mesa duket e ka prerë tashmë biletën për në Bundesligën e dytë.

Verdhezinjtë pas humbjes në klasiken ndaj Bayernit do të kërkojnë të ringrihen në një ndeshje sa të lehtë aq edhe delikate duke pasur parasysh që në fazën e parë u ndal në një barazim 3-3 nga skuadra e Klaus Gjasulës.

Java e 29-të e Bundesligës mbyllet ditën e nesërme, me sfidën Koln-Leipzig.