Klubi i Vllaznisë së fundmi ka shfaqur vështirësi të theksuar financiare. Këtë gjë e kanë nxjerrë në pah futbollistët e skuadrës të cilët në akord me njëri-tjetrin pezulluan stërvitjen për disa ditë, pasi prej muajsh nuk kishin marrë pagat e tyre.
U desh ndërhyrja e kryebashkiakes Voltana Ademi për të gjetur një gjuhë të përbashkët me lojtarët dhe për t’i rikthyer ata në stërvitje.
Tashmë kjo situatë duket se e ka marrë një zgjidhje përfundimtare, kjo pasi Bashkia e Shkodrës ka miratuar buxhetin e vitit 2020 për klubin.
Ky është një lajm i mirë u shpreh administrator Suad Lici, sipas të cilit skuadra tani mund të fokusohet tek puna. Këtë sezon pas 26-të javëve, Vllaznia renditet në vendin e 8-të në kupton e 35 pikëve ndërsa ndeshjen e parë për rifillimin e sezonit do ta luajë më 3 qershor kundër Flamurtarit në transfertë.
