Ish-qendërmbrojtësi i Milanit, Alessandro Costacurta, ka rikujtuar ditën kur u ndesh me Lionel Messin asokohe vetëm 16-vjeç.
Siç deklaron ish-mbrojtësi Italian, fillimisht nuk i kushtoi vëmendje Messit duke e konsideruar thjesht si një fëmijë por siç tregon ai, pas 60 minutash lojë ai kërkoi Ancelotti-t atëherë trajner i Milanit të largohet nga fusha e lojës për shkak të lodhjes së tepërme në markimin e argjentinasit.
“Kam qenë me fat pasi jam përballur me Maradonnën por edhe me Messin. Për sa i përket gjenialitetit të tyre ata janë të ngjashëm në mënyrën se e shprehin lojën e tyre në fushë por Messi ka një karakter më të qetë krahasuar me Maradonnën.”
“Në kohën kur u përballa me Messin ai ishte 16-vjeç dhe fillimisht mendoja se do e kisha të lehtë me të duke e parë si fëmijë. Pas një ore lojë i kërkova Ancelottit të më zëvendësonte, nuk mundesha më.” – ka thënë Costacurta për “Sky Sport italia”.
