Skuadra e Tiranës është ekipi më i favorizuar për tu shpallur kampion për sezonin 2019-2020 në Kategorinë Superiore. Bardheblutë kryesojnë tabelën e renditjes me 9-pikë avantazh ndaj vendit të dytë që mbahet nga Kukësi, ndërsa kanë mbetur edhe 10-të javë për tu luajtur.
Tirana nuk e fiton titullin që nga sezoni 2008-2009 dhe në rast suksesi këtë vit, atëherë futbollistët do të kenë një arsye më shumë për të festuar. Kjo pasi presidenti i klubit, Refik Halili, ka vendosur që të gjithë futbollistët do të shpërblehen nga 15 deri në 30% të pagës së tyre, nëse klubi arrin trofeun 25-të në histori.
Minimalja është që skuadra në masë të marrë të paktën 15% më shumë para, por ka disa lojtarë që marrin edhe një të tretën e kontratës nëse plotësojnë dëshirën e tifozëve bardheblu. Presidenti Refik Halili ua ka bërë të qartë se nëse e arrijnë këtë objektiv, do të marrin atë që u takon.
