23 raste të reja pozitiv me COVID-19 janë konfirmuar për 24 orët e fundit nga ministria e Shëndetësisë, nga 276 teste të realizuara. Në total numri i të infektuarëve në vendin tonë ka arritur në 1099 persona.
12 prej rasteve të reja i përkasin Tiranës, 8 prej të cilave janë kontakte të rasteve të mëparshme pozitive dhe 4 janë raste të reja në proces hetimi. Në QSUT, jane testuar 57 personel shëndetësor dhe pacientë, dhe të gjithë kanë rezultuar negativë.
6 raste të reja janë konfirmuar në Mat, kontakte të një paciente në QSUT dhe 4 raste në Lushnje, kontakte të rasteve pozitive të konfirmuar më herët në Tiranë dhe 1 rast i ri në Durrës.
Në spitalin infektiv aktualisht po trajtohen 23 pacientë, nga të cilët 5 janë në terapi intensive. Gjatë 24 orëve të fundit betejën me COVID-19 e kanë fituar dhe 28 pacientë të tjerë, duke e çuar në 851 numrin e të shëruarve. Mbi 77% e të infektuarëve janë të shëruar.
Gjithësej në vendin tonë janë shënuar dhe 33 humbje jete nga COVID-19.
COVID-19 – Statistika (29 Maj 2020)
Testime totale 15595
Testime molekulare 14269
Testime serologjike 1326
Raste pozitive 1099
Raste të shëruara 851
Raste Aktive 215
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 121
Durrës 42
Krujë 17
Shkodër 11
Kamëz 9
Mat 6
Lushnje 4
Berat 2
Fier 2
Korçë 1
