Një 33-vjeçar u arrestua nga policia e Durrësit, pasi u kap duke drejtuar automjetin pa leje drejtimi dhe nën ndikimin e alkoolit.
Policia ka ngritur akuzën e drejtimit të mjetit në mënyrë të parregullt
“Specialistët e Qarkullimit Rrugor në Drejtorinë Vendore të Policisë Durrës, në vijim të punës për parandalimin e aksidenteve dhe ndëshkimin e atyre drejtuesve që drejtojnë mjetin në mënyrë të pa rregullt, arrestuan në flagrancë shtetasin B.A.,33 vjeç, banues në Durrës.
Ky shtetas u konstatua nga shërbimet e Policisë në lagjen nr.17,Durrës, duke drejtuar mjetin tip “Opel”, pa leje drejtimi dhe nën ndikimin e alkoolit.
Materialet i kaluan Prokurorisë së Rrethit Gjyqësor Durrës, për veprën penale “Drejtimi i mjetit në mënyrë të pa rregullt””, thuhet në njoftimin e policisë.
