Kryetari i Partisë Demokratike, Lulzim Basha nëpërmjet një video të postur në rrjete sociale, ka shprehur kritika ndaj qeverisë për mënyrën e menaxhimit të pandemisë Covid-19. Basha thotë se, kryeministri ka ofruar ndihmën më të ulët në rajon, dhe nuk po u gjendet pranë 120 mijë qytetarëve të papunë.
“I babëzituri nuk do t’ia dijë për mbi 120 mijë të papunë, për bizneset që falimentojnë përditë, për mijëra familjet në nevojë dhe varfërinë që falë tij është ulur këmbëkryq në Shqipëri. Kriza e thellë ekonomike dhe papunësia do marrin zgjidhje vetëm kur të largojmë RAMAVIRUSIN”, thotë kreu i PD.
Basha nënvizon se nga ana tjetër, qeveria nuk i ka ndaluar vjedhjet dhe abuzimet me pushtetin. Ai iu referua këtu shembjes së godinës së Teatrit Kombëtar, duke shtuar se po këtë projekt përveç shkeljes së çdo norme, do të rrisë borxhin publik.
“Teksa po i afrohet fundit të qeverisjes RAMAVIRUSI ka hequr dorë nga fasada. Shkatërroi Teatrin Kombëtar duke përfituar nga pandemia, në shkelje flagrante të çdo ligji dhe norme shoqërore, për të grabitur pronën publike dhe për të shtuar me 30 milionë euro borxhin e shqiptarëve”, përfundon lideri i opozitës.
Teksa po i afrohet fundit të qeverisjes RAMAVIRUSI ka hequr dorë nga fasada. Shkatërroi Teatrin Kombëtar duke përfituar nga pandemia, në shkelje flagrante të çdo ligji dhe norme shoqërore, për të grabitur pronën publike dhe për të shtuar me 30 milionë euro borxhin e shqiptarëve. pic.twitter.com/Cm4BrDvvks
— Lulzim Basha (@lulzimbasha_al) May 28, 2020
