Seria A/ Mbledhja qeveri-federatë jep sot verdiktin për rinisjen e futbollit

Pasditen e sotme, pritet që Ministri italian i Sportit, Vincenzo Spadafora dhe anëtarët e futbollit italian të zhvillojnë një video-konferencë ku do të vendoset data për rifillimin e Serie A.

Liga italiane dëshiron që futbolli të rinisë më 13 qershor por sipas thashethemeve të fundit hipoteza e 20 qershorit është më e mundshme, pasi në këtë mënyrë skuadrat do të kishin katër javë për të kryer seancat e duhura stërvitore duke iu rikthyer ndeshjeve në formë optimale. – raporton “SportMediaset”.

LEXO EDHE  Formula 1 gati për sezonin e ri, Mercedes dominon provat e lira në Austri

Mediat italiane bëjnë të ditur se ndeshjet e para mund të jenë ato të prapambetura (Atalanta-Sassuolo, Inter-Sampdoria, Torin-Parma dhe Verona-Cagliari) dhe këto mund të zhvillohen në datë 17 qershor.