Formula 1/ Anulohet Çmimi i Madh i Holandës

Pandemia e coronavirusit vazhdon të ketë ndikim negativ në botën e sportit, teksa ditën e sotme është njoftuar se Çmimi i Madh i Holandës është anuluar.

Me anë të një deklarate zyrtare, faqja e Formula 1, ka lajmëruar se gara e Holandës nuk do të zhvillohet për sezonin e vitit 2020. Kjo garë në Holandë është mbajtur për herë të fundit 35-vjet më parë, në vitin 1985.

“Jemi gati për të zhvilluar një Çmim të Madh. Bashkë me F1 shikuam mundësinë e zhvillimit të garës pa publik, por do të na pëlqente që rikthimi në F1 i pistës së Zandvoort të bëhej bashkë me tifozët. Për këtë arsye ju kërkojmë që të bëni durim. Kemi pritur 35 vite, kështu që mund të presim një vit më shumë”, lexohet në komunikatën e organizatorëve.

LEXO EDHE  Crystal Palace-Chelsea, publikohen formacionet zyrtare

Deri më tani janë anuluar apo shtyrë 10 gara, ndërsa sezoni pritet të startojë më 5 korrik me Çmimin e Madh të Austrisë.