Si shpërndahen rastet me koronavirus në Shqipëri/ Ja sa pacient janë të shtruar te Infektivi

Tirana vijon të jetë qyteti më i prekur nga koronavirusi me 101 raste aktive, nga 205 që janë në total

Referuar shifrave zyrtare të Ministrisë së Shëndetësisë, pas Tiranës renditet Durrësi me 51 raste dhe Kruja me 23,ndërsa në Shkodër numërohen 12 raste.

Sipas burimeve zyrtare nga Ministria e Shëndetësisë, në spitalin Infektiv aktualisht po trajtohen 25 pacientë, nga të cilët 3 janë në terapi intensive.

Në 24 orët e fundit janë të shëruar 9 qytetarë, duke e çuar mbi 800 numrin e të shëruarve që nga fillimi i epidemisë.

“Deri tani janë kryer mbi 15 mijë testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1050. Prej tyre aktualisht janë 205 persona aktivë me COVID19, kryesisht ne Tiranë, Durrës dhe Krujë”, thuhet në njoftimin zyrtar.

LEXO EDHE  Atentat në Vlorë, qëllohet me tetë plumba drejt një makine, dyshohet për një të vrarë

Shifrat e testimeve

Testime totale 15094
Testime molekulare 13768
Testime serologjike 1326
Raste pozitive 1050
Raste të shëruara 812
Raste Aktive 205
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 101
Durrës 51
Krujë 23
Shkodër 12
Kamëz 9
Berat 6
Fier 2
Korçë 1