Kryemadhi dhe Vasili takim me Bashën në selinë blu

Kryetarja e Lëvizjes Socialiste për Integrim, Monika Kryemadhi e shoqëruar nga nënkryetari Petrit Vasilui, po zhvillojnë një takim me kreun e PD, Lulzim Basha.

Mendohet se tema e diskutimit të takimit të Lulzim Bashës me Kryemadhin e Vasilin është Reforma Zgjedhore.

Më herët Basha zhvilloi takim me ambasadorin gjerman, Peter Zingraf dhe me ekspertët zgjedhorë. Takimi është zhvilluar në selinë blu dhe nisi në orën 16:00 e përfundoi në 17:00 dhe vjen një ditë pasi Basha u takua me ambasadoren e SHBA-së, Yuri Kim lidhur me ecurinë e Reformës Zgjedhore në vend.

LEXO EDHE  Shifër rekord e të prekurve me Covid-19, zbulohen 117 raste të reja/ Ja si shpërndahen

Ambasadorja e SHBA, pas takimit me kryedemokratin Basha, tha se “reforma zgjedhore duhet të përfundojë Brenda datës 31 maj dhe ky është një afat kohor që nuk e ka vendosur as Ambasada amerikane dhe as ndërkombëtarët”.

Kryetari i PD, Lulzim Basha deklaroi se “do bëjmë gjithçka që brenda 31 majit, një afat që ne ja kemi kërkuar dhe ia kemi vendosur kësaj mazhorance, që reforma të ketë përfunduar”.