Komisioni i Venecias do t’i dorëzojë autoriteteve shqiptare opinionin përfundimtar për emërimet në Gjykatën Kushtetuese në datat 18-19 qershor.
Gjithashtu në këtë datë Komisioni do të dorëzojë opinionin edhe për Paketën-Antishpifje.
Komisioni i Venecias vendosi të shtyjë me dy muaj draft opinionet për dy kërkesa të ardhura nga Shqipëria, atë të ligjit Anti-Shpifje dhe të emërimeve në Gjykatën Kushtetuese.
Ky vendim u mor për shkak të situatë së krijuar nga koronavirusi. Për emërimet në Gjykatën Kushtetuese më 6 mars Venecia dha një draft paraprak.
Të dy këto çështje kanë krijuar tensione politike në vend veçanërisht përplasje mes Presidentit dhe mazhorancës së Kryeministrit Rama.
Paketa anti-shpifje gjithashtu është kundërshtuar nga opozita, shoqatat e gazetarëve, por edhe organizma ndërkombëtare.
