Erling Haland është një ndër talentet më premtues të botës së futbollit. Edhe pse vetëm 19-vjeç, tashmë të gjithë flasin për të ndërsa e ka konsoliduar veten si një “bomber” i padiskutueshëm.
Ai ishte lojtari i parë që shënoi pas rifillimit të kampionatit për shkak të pandemisë botërore duke mos e harruar zakonin e tij. Së fundmi ish-trajneri i tij personal në kohën kur norvegjezi luante për Molden, Borren Stinslid, u shpreh për Haland pësoi një ndryshim të madh fizikisht përgjatë 15 muajve. Në këtë periudhë kohore sipas Stinslid, Haaland shtoi 12 kile dhe trupi i tij u rrit me 20 cm dhe në moshën 16-vjeçare ai dukej një përbindësh i vërtetë.
“Fiziku i tij përgjigjet gjithmonë në mënyrën e duhur pasi ai nuk ndalon kurrë së stërvituri duke rritur perfomancën e tij. Ai mori një zhvillim të pabesueshëm kur ishte te Molde. Në vetëm 15 muaj ai shtoi 12 kile. Kjo ishte e nevojshme pasi ai u rrit me 20 centimetra në një periudhë shumë të shkurtër. Nëse nuk rriste peshën, atëherë ai rrezikonte të humbiste balancën e trupit. Na duhet ta nisnim gjithçka nga e para”, Një tjetër aspekt se pse sulmuesi është në një formë kaq të mirë është edhe dieta e tij.”
“Dhe të mendosh që ai ishte gjithmonë i pari që shkonte në tavolinën e ngrënies dhe pjata e tij ishte një mal me ushqim. Ai konsumonte pothuajse gjithçka, edhe një ushqim të pasur me vitamina dhe karbohidrate”. – tha ish-trajneri i tij personal.
