Franca ishte një nga vendet e para që nxitoi për të mbyllur kampionatin, me Ligue 1 që përfundoi para kohe me PSG-në kampione të vendit.
Ky vendim u quajt si i nxituar nga shumë klube franceze të cilat shqetësohen për financat e tyre. Ndërkohë sipas “RMC Sport”, Federata Franceze e Futbollit dhe Ligue 1 kanë lajmëruar datën e rifillimit të sezonit të ri. Edicioni futbollistik 2020-21 do të rinisë më datë 22 gusht.
Një vendim i tillë shihet si i çuditshëm, pasi klubet duhet të rikthehen në stërvitje që në korrik, ndërkohë fare mirë gjatë asaj kohe mund të ishte mbyllur sezoni 2019-2020.
Në këtë mënyrë shumë kampionate europiane po rikthehen të luajnë sezonin aktual, kurse në Francë do përgatiten për sezonin e ri.
