Edhe kjo fundjavë e kufizuar/ Del urdhri i MSH: S’lejohen makinat, ja bizneset që do jenë hapur vetëm të shtunë

Ministria e Shëndetësisë ka publikuar udhëzimin e plotë për fundjavën, lidhur me lëvizjen e njerëzve dhe mjeteve, si dhe për hapjen e aktiviteteve dhe bizneseve në lidhje me masat që parandalojnë COVID-19.

Sipas urdhrit të Ministrisë së Shëndetësisë, fundjava do të jetë e kufizuar.

Të gjitha bizneset do të mbyllen, ndërsa vetëm të shtunën do të lejohen dyqanet ushqimore dhe farmacitë, gjatë ditës deri në orën 21:00, ndërsa e diela do të jetë totalisht e mbyllur.

LEXO EDHE  "Fresku"/ Kokainë e pistoletë me vete, arrestohet 45-vjeçari (VIDEO)

Nuk do të lejohet lëvizja e makinave as të shtunë as të dielë.

Ndërsa sa i takon lëvizjes së këmbësorëve, lejohet lëvizja e pensionistëve, ditën e shtunë dhe ditën e diel, deri në orën 10:00, të shoqëruar me jo më shumë së një person në krah.

Gjithashtu do të lejohet lëvizja e prindërve me fëmijëve deri në moshën 14 vjeç, ditën e shtunë dhe ditën e dielë, pas orës 11, të pashoqëruar me persona të tjerë në krah.