Kryeministri Edi Rama e lidhi shqetësimin e shprehur nga Ambasadorja amerikane Yuri Kim me qëndrimet e shprehura ngaPresidenti Ilir Meta lidhur me reformën në drejtësi.
Rama tha se reforma në drejtësi nuk ka kthim prapa, ndërsa shtoi se edhe nëse mund të ketë inisiativa për ndryshimin e ligjeve, ato do të bëhen vetëm me dakordësimin e partnerëve ndërkombëtare me qëllim çuarjen para të reformës.
Kryeministri e cilësoi reagimin e Kreut të PD-së, Lulzim Basha, lidhur me çështjen në fjalë sit ë pakuptimtë.
“Basha i jep ultimatum Parlamentit, kur ai s’ka asnjë forcë tani mbi atë Parlament që është. Në dijeninë time nuk ka asnjë inisiativë në Kuvend për reformën në drejtësi. Ky Parlament do të bëjë ndërhyrje për të çuar përpara këtë reformë vetëm nëse dakordësohemi me partnerët tonë”, tha Rama.
Sipas tij, edhe deputeti socialist Adnor Shameti, i cili ka hedhur idenë për rishikimin e ligjeve të drejtësisë, thjesht ka thënë një mendim dhe asgjë më shumë.
“Mendimin e ka dhënë 1 muaj më parë dhe s’ma do mendja që Ambasadorja ka reaguar sot”, tha Rama.
