Kryeministri Edi Rama tha se në protestën e organizuar pas shembjes së Teatrit Kombëtar nuk ka pasur dhunë dhe policia ka zbatuar ligjin.
Rama u përball me pamjet e ndalimit të Alfred Lelës, ndërsa Kryeministri tha se “Lela ka bërë një gjest të papëlqyeshëm, shkoi dhe kapi për krahu 3 vajzat police, ndërkohë që shkuan 3 policë burra dhe kapën këtë burrin këtu”.
“Ç’punë kishte qytetari Lela që shkoi dhe kapte vajzat e policisë nga krahët, apo doje ti bëje intervista? Po flet si prokuror i Enver Hoxhës, rri këmbë mbi këmbë dhe na bën viktimën”, tha Rama.
Ndërkohë që Alfred Lela, që sv fundmi njihet si mbështetës i flaktë i Fatmir Xhafajt, ndërsa uli pantallonat, i tregoi shenjat që ka pasur në këmbë nga dhuna.
“Ti mund të zhvishesh, po tani mbërtheju”, tha Rama.
Debatet
Rama: Shikoj një fragment të gjithë teatrit të viktimizimit u vu në skenë për mediat qysh kur u doli gjumi atyre që do ta mbronin me trupat e tyre atë godinë dhe u përpoqën të ngrenë një re të zezë perceptimi mbi policinë e shtetit. Nëse flasim për dhunë, ka një mënyrë për t’u përcaktuar. Pyetja e ime e parë është çfarë kërkon qytetari Lela aty? E di zt.Lela që sipas ligjit, policia e shtetit në kushtet kur përballet me turmë protestuesish nuk njeh individë, njeh dhe komunikon vetëm me drejtuesit e një organizimi. Pse e kapërceu lajmin Alfredi? Kishte ndonjë lajm atje? Ku është dhuna? Që e morën përkrahësh siç e meritonte dhe e shtrinë përtokë për ta neutralizuar pa përdorur shkopinj gome. Dhuna është goditje. E shoh si një aksion totalisht mbi bazë të procedurës. Ta nxjerrë zt.Leli një protestë ku protestuesit bëjnë këto. Ka hyrë përtej perimetrit të lejuar.
Lela: Je një njëzës i dëmshëm për këtë vend.
Rama: Do të flas me emër se ti nuk meriton respekt. Kështu flisnin prokurorët e Enver Hoxhës.
Lela: Po më dhunon për herë të dytë.
Rama: Drejtohu me edukatë.
Lela: Ty me edukatë që sapo gënjeve me videon që është pas nesh.
Rama: Unë them atë që shoh.
Lela: Njerëzit e kanë gjykuar.
Rama: E kanë gjykuar vëllezërit Budina.
Lela: Do t’i shohësh shenjat e dhunës. (Ul pantallonat) Ka pesë ditë.
