Altin Ndoci, personi që akuzohet për katër vrasje në qytetin e Durrësit, është lënë në burg nga gjykata e Apelit.
Ndoci kishte ankimuar akuzat ndaj tij në gjykatën e Apelit Durrës por me sa duket provat që e përfshijnë atë në dy ngjarje kriminale janë të forta. Ndaj tij është lënë në fuqi masa e sigurisë “arrest me burg” që ishte vendosur më parë nga Shkalla e Parë.
Ai akuzohet për ekzekutimin e vëllezërve Besmir e Viktor Haxhia më 27 prill dhe Dorjan Shkozën e Anxhelo Avdian më 2 mars.
Në pranga për këtë ngjarje ka rënë edhe Klevis Alla, i cili tashmë ka pranuar të bashkëpunojë me policinë e Durrësit, duke treguar mënyrën se si kanë kryer vrasjet, vendin e hedhjes së armëve, braktisjen e makinës së krimit dhe emrat e personave që kanë marrë pjesë në vrasje.
Alla është lakuar nga burime brenda hetimit se ka qenë personi kryesor që ka çuar hetimet drejt kapjes së autorit kryesor, Altin Ndocit.
Ndryshe nga ky i fundit, Alla nuk e ka ankimuar vendimin e Shklallës së parë duke pranuar për rrjedhojë akuzat dhe përfshirjen në dy ngjarjet e bujshme.
