Avokati Altin Goxhaj ka publikuar një version të ri të shembjes së Teatrit Kombëtar, në orën 04:30 të datës 17 maj.
Goxhaj shkruan se shembja e Teatrit nuk është thjesht politikë a korrupsioni.
“Qenka hall Kolumbie, peng droge gjithë zona përfshi edhe Teatrin! Paska qënë çështje jete a vdekje! Eh ku jemi zhyt”, shkruan Goxhaj.
Më herët në një postim në rrjetet sociale, Goxhaj shkruan se beteja e deridjeshme që kulmoi në 17 Maj 2020 në finale me policë & fadroma për prishjen e Teatrit duket si lojë kalamajsh përballë betejës sizifiane 24hX365dx3vendkalime për të ndaluar qindra e qindra kamionat&betonierat (një e nga një secila) për gropën dhe ndërtimin e Teatrit-kullave!
“Një goditje të vetme për prishje edhe mund ta ndalosh por si do ndalosh qindra e qindra kamiona & betoniera që mund të vijnë një e nga një në një nga 3 drejtimet dhe në një nga orët që u do qejfi?
A e kanë idenë robtë se çfarë, si dhe sa energji duhen për gurët e mbetur të Teatrit të vrarë dhe tradhëtuar pabesisht nga ata Lart dhe pse gjithë kjo jo energji të mos harxhohet te gurët e Kryeministrisë, dhe jo te parkingu i Ministrisë së Brendshme?
A e dinë ata që e kanë seriozisht se çfarë po i ofrojnë publikut??? Ata te SHQYP & LSI që po tallen, në fund të fundit e kanë ves të ofrojnë de jure fundshpinat e tyre për të kalu fadromat por në fakt siç e keni parë gjthm është fundshpina e popullit që dërrmohet kur vjen ora e së vërtetës dhe i ngrefet Pushtetit!
Si i tha te ai filmi?
– “Edhe ne po luftojmë bir!”
– “Po, po, kundër mullarëve baba!””, shkruan Goxhaj.
