Kryetarja e LSI Monika Kryemadhi ka deklaruar në emisionin “Byro Politike” se kanë marrë garanci nga ndërkombëtarët për qëndrimin e tyre për Reformën Zgjedhore, të cilët sipas saj janë mashtruar nga ndërkombëtarët.
Kryemadhi tha se nëse do të presin qëndrimin e Edi Ramës për të vendosur për hapin e radhës, dhe më pas do dëgjohet edhe opinioni i ndërkombëtarëve.
Ajo u shpreh se njësoj si Partia Demokratike as LSI nuk do të çojë përfaqësues në tryezën e së nesërmes për Zgjedhoren, ndërsa zbuloi se vetë ajo nuk do të jetë në takimin me presidentin, por do të përfaqësohet nga nënkryetari i LSI.
“Po ata janë çift nuk i ndajmë dot. Në rast se Rama nuk i pranon kushtet tona do dëgjojmë se çfarë do thonë ambasadorët.
Por ata shprehin edhe interesa të kompanive të vendeve të tyre në Shqipëri dhe anojnë. Ne kemi qenë gati ta mbyllim Reformën. Por do dëgjojmë njëherë përgjigjen e qeverisë.
Do hyjmë në zgjedhje por jo me Edi Ramën. Kemi marrë garanci nga partnerët ndërkombëtarë të cilët janë mashtruar nga Edi Rama. Nuk e di çfarë do flitet në mbledhje se kam 3-4 ditë pa e takuar Metën. Dhe unë thashë do çoj Tit Vasilin se nuk do shkoj të zihem aty”, tha Kryemadhi./abcnews.al/
