Protestuesit sot para Teatrit kanë shpërndarë dhe ngjitur në shtylla dhe në pemë, një formular.
Ata kërkojnë një mendim për Erjon Veliajn, kryetarin e Bashkisë së Tiranës që mori vendimin për prishjen e Teatrit Kombëtar, që po e mbron këtë vendim në publik, dhe që po kërkon mbështetje për projektin e ri.
Një projekt që përfshin kulla dhe qendra tregtare. Erjon Veliaj, ka qënë këto ditë personi më i kontestuar dhe anatemuar në publik. Kjo për shkak se pranoi me zell të zbatonte idenë e vjetër të bosit të tij, për shembjen e Teatrit.
Veliaj besohet se është në kurbën e tij më të ulët të karrierës, çka do t’i kushtojë gjatë edhe në të ardhmen.
Është kjo arsyeja mesa duket që mbrojtësit e Teatrit dhe protestuesit kanë nisur një fushatë kundër tij, me këtë gjetje origjinale, teksa shpërndajnë formularë për Veliajn, ku kërkojnë mendimin e qytetarëve për të.
