Presidenti amerikan, Donald Trump kërcënoi se do të ngrinte përgjithmonë financimin amerikan për Organizatën Botërore të Shëndetësisë, nëse ajo nuk angazhohet në përmirësime të dukshme brenda 30 ditëve.
“Nëse OBSH nuk angazhohet për të bërë përmirësime të dukshme brenda 30 ditëve, do ta transformoj ndërprerjen e përkohshme të financimit për OBSH-në në një masë të përhershme dhe do ta rishqyrtoj anëtarësimin në organizatë”, theksoi Trump në një mesazh në Twitter dhe duke publikuar foto të një letre drejtuar kreut të OBSH-së, Tedros Adhanom Ghebreyesus.
Në këtë letër, presidenti amerikan ka renditur shembujt që ai i konsideron si gabime të OBSH-së në menaxhimin e pandemisë.
Edhe më herët, presidenti amerikan, Donald Trump ishte shprehur që nga Shtëpia e Bardhë se nuk ishte i kënaqur me Organizatën Botërore të Shëndetësisë.
