Kryetari i Bashkisë së Tiranës Erion Veliaj në një intervistë për Abc News tha se shembja e Teatrit nuk ka asnjë lidhje me politikën, është një vendim në kuadër të punës për qytetin.
Veliaj është shprehur se vendimi për prishjen e Teatrit është marrë, pasi atij i është konfirmuar se ai nuk është i mbrojtur si monument kulture dhe ishte e nevojshme një vendim i tillë.
Pyetjes së gazetares Mirela Milori se pse godina është prishur në orën 4:30 të mëngjesit Veliaj iu përgjigj se stafi i bashkisë së Tiranës ka qenë në punë në 24 orë dhe nuk ka pasur asnjë përzgjedhje orari nga Bashkia vendimi është marrë nga policia.
“Ju kujtoj se është shtruar asfalt, janë bërë dizinfektime, janë shtruar rrugë Tirana ka punuar në 24 orë, nëse punët e infrastrukturës janë bërë në çdo llojë pune. Policia ka vendosur qartë orar për të shmangur incidentet. Policia ka vënë në aksion vullnetin e shumicës së artistëve, të atyre që e votuan dhe duke shmangur lëndimin e atyre që nuk donin.
Ne i filluam veprimet që na ka kaluar prona, ditën e dytë e kam dërguar në Institutin e Ndërtimit dhe pas marrjes së vendimit të Këshillit Bashkiak është bërë dhe ekzekutimi i vendimit. Secili duhet të marrë vendimet e tij, unë jam në krye të qytetit dhe kam për detyrë të jem në shërbim të tij. Askush nuk duhet të fusë hundët në punët e mia. Unë ngas gomarin tim ai të ngasë të vetin”, tha Veliaj.
