Britania mbetet vendi me më shumë viktima në të gjithë Europën si pasojë e Covid-19. Deri më tani, në Britani janë shënuar 33,341 viktima nga koronavirusi, ndërsa në 24 orët e fundit kanë ndërruar jetë 545 persona.
Në total numri i të infektuarve në këtë vend ka kapur shifrën e 248,818 personave. Ndërsa, numri i të infektuarve me Covid-19 në 24 orët e fundit ka shkuar në 2412 persona.
Numri total i të infektuarve me koronavirus në të gjithë botën deri tani ka shkuar në afërsisht 5 milionë persona. Ndërsa, numri i të vdekurve nga Covid-19 në të gjithë botë ka shkuar në 322,579 vetë.
