Ish kryeministri Sali Berisha, në një prononcim për gazetarët nga protesta që po zhvillohet në kryeqytet, e quajti një gjenocid kulturor shembjen e Teatrit Kombëtar.
Berisha bëri një krahasim të këtij akti me atë të regjimit të diktaturës, që shembi objektet e kultit.
“Është gjenocid kulturor si skenat e viteve 60 kur kishat, xhamitë, teqetë u hodhën në erë nga etërit e Ramës dhe Rama ndërtonte lumturinë me ikonat e vjedhura në këto kisha. Hedhja në erë e teatrit, zhdukja e simbolit më të shkëlqyer që kishte Tirana, zhdukja e bizhusë së këtij kryeqyteti që në rrafshin arkitekturor pozicionimin dhe historinë jashtëzakonisht të pasur, ishte vlerë e paçmuar për Tiranën e Shqipërinë. Tirana dhe në vitet 840-860, udhëtarë e përshkruajnë një vend shumë të bukur, por teatrin e kishte në çdo rrafsh shumë të bukur me një histori dhe duhet ta dini brezat e ri se në diktaturë asnjë institucion shqiptar s’ka bërë përpjekje antikonformiste se sa teatri”, tha Berisha.
“(Edi Rama) E rrafshon në një mënyrë të pabesë si hienë politike e poshtër, që s’ka asnjë lloj morali, është një ditë zie. Unë do shpallja zi kombëtare për rrafshimin e simbolit të Tiranës. Edhe atë sahat që e keni aty shihni si po e mbulon me kulla horri i bashkisë. Gjenocid kulturor si ai i minimit të objekteve t të kultit, motivi: paraja”, shtoi.
Ishte tregues force i kryeministrit?
Ishte tregues poshtërsie, iu përgjigj Berisha, pyetjes së një gazetareje.
Ai tha se vendi sot është nën diktaturën e drogës: “Narko-diktaturë. Vdekje narkoshetit”!
