“Vendi drejtohet nga një kriminel dhe hajdut ordiner, që ka marrë peng vendin dhe shqiptarët”, tha kreu demokrat Lulzim Basha, duke e cilësuar Kryeministrin Edi Rama si të keqen e vendit.
Basha tha se kjo që ndodhi me Teatrin është guri i rëndesës për ndërgjegjen e çdo shqiptari.
“Dita e sotme tregon për sundimin e një shteti mafioz. Opozita është e vendosur të marrë të gjitha hapat demokratike për largimin një orë e më parë të të keqes, që është Edi Rama”, tha Basha.
Ai tha se opozita do të organizojë protesta qytetare, sikundër do të mbështesë çdo protestë të Aleancës për Mbrojtjen e Teatrit dhe shoqërisë civile, kudo ku ato të organizohen.
“Garantojmë ndëshkimin shembullor të gjithkujt që u përfshi në këtë aferë, në këtë akt banditesk, duke nisur nga Edi Rama dhe te personi i fundit që i ka shërbyer Edi Ramës”, tha Basha.
Sipas tij, rruga për të larguar këtë të keqe është bashkimi i të gjithë shqiptarëve kundër kësaj të keqeje.
“Duke respektuar kushtet higjenike, do t´i bëjmë thirrje qytetarëve që të na bashkohen në protestat”, theksoi Basha.
