Manchester United i janë bashkuar garës me Manchester City-n dhe Barcelonën për shërbimet e qendërmbrojtësit të Interit, Milan Skriniar.
25-vjeçari mbetet temë e nxehtë e merkatos së transferimeve dhe klubet prestigjioze e interesuara për sllovakun janë të shumtë. Sipas gazetës Daily Mirror, Manchester United e ka vendosur futbollistin në listën e prioriteteve, pasi pista Koulibaly duket se po dështon për ta me PSG-në që shihet më e avantazhuar.
“Djajtë e kuq” janë gati të paguajnë deri në 60 milionë euro për kartoni ne mbrojtësit, ndërsa Marotta e Ausilio shpresojnë që shifra të rritet, duke qenë se në ankand janë gati të përfshihen edhe gjigjandët spanjollë Barça e Real Madrid dhe anglezët e Manchester City.
