Aktivisti dhe pedagogu, Erion Kristo, ka reaguar lidhur me shembjen e Teatrit Kombëtar, ndërsa shkruan se sot vdiq demokracia, politika, qytetaria, ligji, opozita dhe shpresa.
Kristo shkruan se laku po shtrëngohet për të gjithë, ndërsa fëmijëve tanë po u lëmë trashëgim një çmendinë.
“Me vdekjen e teatrit vdiqën shumë gjëra: vdiq demokracia, vdiq politika, vdiq qytetaria, vdiq opozita, vdiq ligji, vdiq dhe shpresa.
Nuk kam për ta harruar kurrë ushtimën e rrënojave të teatrit që lëngonte në agoni. As ata pak trima që bërtisnin: Poshtë diktatura.
As njerëzit që dilnin shëtitje. Laku po shtrëngohet për të gjithë. Është çështje kohe. Fëmijëve tanë po u lëmë trashëgim një çmendinë”, shkruan Kristo.
