Kreu i opozitës Lulzim Basha ka konfirmuar se opozita e bashkuar dhe gjithë shqiptarët do të jenë ditën e nesërme në orën 16:30 në krahë të protestuesve dhe Aleancës për Mbrojtjen e Teatrit.
Pas mbledhjes së kryesisë Basha deklaroi para mediave se janë ndarë detyrat dhe gjithë opozita bashkë me shqiptarët do të etë në krahë të shqiptarëve dhe artistëve.
Ndërkohë ai deklaroi se nesër është vetëm fillimi i betejës dhe jo fundi i saj.
‘Sot Aleanca për Mbrojtjen e Teatrit ka shpallur një protestë për nesër në orën 16:30 dhe është detyrë e kryetarit të PD për tu bërë thirrje qytetarëve që nesër të jemi të gjithë në krahë të artistëve. Në një protestë jo thjeshtë dhe vetëm në mbrojtje të teatrit por kundër tiranisë, kundër shkeljes së ligjit, kundër mjerimit ekonomik, që janë veprat e keqbërësit që është Edi Rama. Në mbledhjen e sotme janë ndarë detyrat për të siguruar pjesmarrjen maksimale që shqiptarët të mblidhen nesër në oren 16:30. Përsëris edhe njëherë angazhimin zyrtar të opozitës për rindërtimin e Teatrit Kombëtar dhe vendosjen siç ishte me parametrat e konceptuar. Gjithashtu do të çojmë para drejtësisë të gjithë përgjegjësit. Nesër është evtëm fillimi dhe jo fundi i betejës’, deklaroi Basha.
Ndërkohë i pyetur nga gazetarët nëse do të ketë vijim të Revormës Zgjedhore, Basha e mohoi një gjë të tillë.
