Pandemia e coronavirusit detyroi të gjithë futbollin europian të pezullonte aktivitetet e tyre sportive. Kjo pauzë 2 mujore ka sjellë një ulje të madhe të të ardhurave për të gjitha klubet, përfshirë Barcelonën.
Klubi katalanas, ka kryer një studim mbi ndikimin që ka pasur virusi në të ardhurat e klubit dhe është dalë në përfundimin se shoqëria ka humbur rreth 154 milion euro.
“La Vanguardia” e llogariti këtë vlerë të humbur, duke marrë parasysh mungesën e shitjeve të biletave nga Camp Nou, mbylljen e dyqaneve zyrtare dhe muzeut, si dhe ndalimin e veprimtarisë së akademive të klubit në të gjithë botën.
Bordi i klubit po punon vazhdimisht për ta minimizuar këtë impakt negativ. Një nga mënyrat me të cilat Barcelona ka kërkuar të zvogëlojë atë shifër, është përmes mekanizmit ERTE, e vlefshme si për lojtarët ashtu edhe për punonjësit e klubit, dhe vlerësohet se do t’i kursejë klubit midis 40 dhe 50 milion euro.
Një tjetër përpjekje e Barcelonës për të ngushtuar më tepër atë deficit, është shitja e lojtarëve të tillë si Nelson Semedo, Arturo Vidal dhe Jean-Clair Todibo
