Deputetja Rudina Hajdari u shpreh pas mbledhjes së Këshillit Politik për Reformën Zgjedhore se mazhoranca dhe opozita jashtë parlamentit po i “shkelin syrin njëri-tjetrin”
Në një prononcim për gazetarët, Hajdari tha se palët nuk janë të interesuar për ndryshimin e sistemit zgjedhor.
“Qytetarët shqiptarë duhet të kuptojnë një gjë. Këshilli Politik nuk është një tryezë ku diskutohet se çfarë thanë kryetarët e Partive. Po diskutohen edhe mandatet. E din pse ndodh kjo? Sepse kur mundohet të diskutohet për Reformën Zgjedhore, këta i bëjnë bisht dhe i shkelin syrin njëri-tjetrin. Këta nuk kanë asnjë lloj garancie në mënyrë që për shqiptarët të ketë një garë të ndershme mes shqiptarëve”, tha Hajdari.
“Unë do vazhdoj betejën time për ndryshimin e vendit. Në këtë end nuk ka liri dhe demokraci. Unë në Shqipëri erdha për të forcuar këto dy drejtime. U quajta tradhtare kur shpreha mendimin tim në Parlament. Këtë betejë do ta çoj deri në fund. Le të më bashkohen të gjithë shqiptarët për të ndryshuar Sistemin Zgjedhor. Këta i kanë gjërat e tyre në rregull. Unë kam besimin që çdo demokrat real do më bashkohet në këtë betejë për të ndryshuar sistemin zgjedhor. Momenti është tani. Të gjithë ata që kanë humbur shpresën në këtë ven, duhet të luftojnë për këtë gjë”, shtoi ajo.
