Tre orë ka zgjatur në Pallatin e Kongreseve tryeza e Këshillit Politik të Reformës Zgjedhore.
Oerd Bylykbashi nga PD, pas përfundimit të mbledhjes, tha se mazhoranca është tërhequr nga deklaratat e kryeministrit Edi Rama një ditë më parë.
“Shumica u tërhoq nga ato qëndrime që dje Edi Rama bëri. Ai prononcim pikërisht në momentin që Këshilli po fillonte punën, ishte tentativë për ta nxjerrë nga binarët, se nuk i intereson produkti konsensual, do ta miratojë me ndryshimet e tij, që administrata të jetë e emëruar prej dhe tij dhe Kolegji që ti vendosë vulën. Sot debati ishte i fokusuar te kjo cështje, jo detajet e propozimeve konkrete, bëmë të qartë se cdo zgjidhje për administratën dhe kolegjin, s’ka për ti dhënë mundësi shumicës ta bëjë të vetën”, tha Bylykbashi.
Edhe Damian Gjiknuri nga PS, teksa foli për mbledhjen, tha se kishte një paqartësi, por më pas, në parim palët kanë rënë dakord.
Rama deklaroi dje se nuk do pranonte propozimin e opozitës për qeveri transitore para zgjedhjeve.
