Rangnick flet si milanist, Werner te Interi? Përshtatet më mirë te Liverpooli!

MAINZ, GERMANY - MAY 03: Ralf Rangnick, Manager of RB Leipzig shakes hands with Timo Werner of RB Leipzig after the Bundesliga match between 1. FSV Mainz 05 and RB Leipzig at Opel Arena on May 03, 2019 in Mainz, Germany. (Photo by Simon Hofmann/Bongarts/Getty Images)

Ish-trajneri i Leipzig, Ralf Rangnick, është një emër mjaft i lakuar për të marrë drejtimin e skuadrës së Milanit.

Aktualisht drejtori teknik i Red Bullit, e di që në verë Leipzigu mund të humbasë Timo Vernerin. Sulmuesi gjerman dëshiron të bëjë një hap cilësor në karrierë dhe dëshiron të shkojë në një ekip të madh, teksa, sikundër ka deklaruar, do të preferonte një aventurë jashtë Gjermanisë.

Për të kanë shfaqur interesim (mes të tjerave) dhe Interi, Liverpuli dhe Real Madridi. I intervistuar nga “Bild”, Rangnik pohon se shpreson ta shohë Vernerin të qëndrojë me fanellën e Lajpcigut, por në rast të një lamtumire e drejton atë te Liverpuli.

LEXO EDHE  Kategoria e Parë rikthehet në fushë, luhet për mbijetesën

“Në fund do të jetë Timo ai që do të vendosë. Ai e di se çfarë ka këtu në Leipzig. Mund të marrë pjesë në Champions edhe vitin e ardhshëm. Pyetja është se ku do mund të luajë në vijimësi sepse Timo është një nga ata që ka nevojë për besim. Ai është rritur shumë me Nagelsmanin ndaj e shoh më mirë te Liverpuli sesa te Interi sepse klubi anglez njëjtën tip loje si Leipzig”.