Policia britanike arrestoi 3 shqiptarë, pasi dyshohet se kultivonin lëndë narkotike.
Ata ishin identifikuar gjatë muajit shkurt nga një patrullë policie, ku gjatë kotrollit të një zonën në Gateshad të Newcastle u zbulua magazina, ku kultivohej kanabisi.
Shkak për këtë zbulim u bë era e fortë e kanabisit.
Tre shqiptarët kultivonin drogë në një magazinë, “me një hapësirë që krahasohet me një fushë futbolli”.
Droga e sekuestruar kap shifrën e 820000 dollarëve.
Gjatë operacionit u arrestuan Fatbardh Selimi 42 vjeç, Fatlum Alija 27-vjeç dhe Agim Isufi 19-vjeç.
Tre personat janë paraqitur në Gjykatë me akuzën e prodhimit të drogës të klasit B.
Gjykata vendosi dy vjet burg për Fatbardh Selimin dhe Fatlum Alija, ndërsa 19-vjeçari Agim Isufi u dërgua në një institut ku do të qëndrojë për 20 muaj.
