Ekspertët e mjekësisë po zbulojnë gjithnjë e më shumë gjëra të reja për koronavirusin. Një tjetër shenjë treguese se njerëzit mbartin virusin Covdi-19 janë edhe njollat e kuqe që shfaqen në këmbët e të infektuarve, kryesisht këto simptoma shfaqen, tek fëmijët në zonën e gishtërinjve dhe kyçeve të këmbës.
Shumica e njerëzve që shkuan në spital sepse kishin gishtërinj të fryrë dhe të skuqur, ishin cilësuar si asimptomatikë nga Covid-19. Mediat në Spanjë, Itali dhe Belgjikë janë raportuar së ka një rritje të pacientëve me këto simptoma që nga fillimi i pandeisë së koronavirusit të ri. Ekspertët që kanë folur në media të ndryshme, në vende të ndryshme kanë deklaruar se shumica e pacientëve janë fëmijë, adoleshentë të rinj dhe të shëndetshëm.
“Mesazhi për publikun nuk është të frikësohet, por të jenë vigjilent ndaj këtyre simptomave sepse po bëhen gjithnjë e më të gjendura. Ata kanë atë që ne mjekët dermatolog e quajmë një shenjë klinike beninje. Gjatë kohës që ata kanë qëndruar në shtëpi janë përmirësuar dhe shenjat i janë larguar ,” ka deklaruar Esther Freeman, drejtoreshë e dermatologjisë globale të shëndetit në Spitalin e Përgjithshëm të Massachusetts.
Ndërsa sipas dermatologut Tola Oyesanya nga universiteti Johns Hopkins është ende e paqartë se pse shfaqen këto shenja tek pacientët e prekur nga Covid-19.
“Shumica e pacientëve që kanë këto shenja te gishtat e këmbëve nuk kanë simptoma të tjera,” shtoi ajo.
Shumë ekspertë të mjekësisë janë dakord me idenë e Oyesanya-s dhe shtojnë se lajmi i mirë është se pacientët nuk duhet të alarmohen pasi këto shenja janë një tregues që një pacient është prekur nga Covid-19 dhe sistemi i tij imunitar ka reaguar.
