Avokati Altin Goxhaj ka depozituar një kallzim penal për ministrin e Brendshëm, Sandër Lleshaj, Drejtorit të Përgjithshëm të Policisë, Ardi Veliu, dhe atë të Tiranës, me akuzën e “tentativës së vrasjes”.
Goxhaj tha se në protestën e 9 majit na rrëmbyen, na çuan në një qeli 10 m2, ku ishim 14 vetë, pa maska dhe pa asnjë mjet mbrojtës.
“Tani kallzim penal për “tentativë për vrasje” për gjithë drejtuesit e Policisë & Gjeneral Leshin që na futën 14 vetë në një qeli 10m2 & pa maska!
Ose kjo puna e distancimit social dhe karantinës paska qenë fake! Le ta zgjidhë Prokuroria”, shprehet Goxhaj.
Ai tha se nga provat filmike rezultoi se mbi 10 persona me uniforma nuk janë pjesë e Policisë së Shtetit, pasi nuk kishin asnjë numër identifikimi, sikundër e ka çdo punonjës policie.
“Kjo është një diktaturë, që ne do t´a çmontojmë, pasi këta kanë agjendën e shpopullimit të Shqipërisë, e cila është agjenda e Soros”, tha Goxhaj.
