Për 9 javë me rradhë vendosi masa ekstreme izolimi dhe përhapi panik me armikun e padukshëm që të sulmonte nga se prisje apo me arkivolë, ndërsa e pparaqiste veten herë si babai i shqiptarëve dhe herë si Zoti i tyre.
Dhe në kohën kur Europa po shkon drejt hapjes dhe detyrimisht edhe Shqipëria, Kryeministri Edi Rama, vijon lojën e tij tallëse dhe cinike me shqiptarët.
Së fundmi ai kërkon të dijë mendimin e qytetarëve lidhur me masat që jepte nga rrjetet sociale, dhe u legjitimuan javë më pas.
Një e-mail i dërguar nga platforma e qeverisjes synon të mbledhë një informacion se çfarë mendojnë qytetarët për suksesin e Ramës.
Sondazhi pyet nëse kryeministri Edi Rama ka marrë vendimet e duhura për përballimin e krizës së shkaktuar nga COVID19 apo vlerësimi për vendimin e qeverisë për të mos prekur pagat e administratës dhe pensionet.
Por në pyetësor mungojnë p.sh pyetjet mbi nivelin e testeve për koronavirusin, për Aktet Normative dhe VKM që njoftoheshin si të tilla nga Rama në rrjetet sociale, por s´kishin asnjë vlerë juridike, deri në momentin e miratimit nga Qeveria apo Kuvendi, për panikun dhe tmerrin që u futi qytetarëve me videot me arkivolë, e shumë të tjera.
Me pak fjalë, sondazhi i Ramës thjesht do të përdoret në lojën e tij politike, përsa kohë edhe pyetjet që i drejtohen qytetarëve, për të mos thënë se mund të ketë një përzgjedhje edhe të anketuesve, nuk evidetojnë problematikat, por synojnë të ngrenë lart moralin e “gjeneralit” të luftës me “armikun e padukshëm”
Teksti hyrës i sondazhit:
Shqipëria ia ka dalë mbanë me faqe të bardhë deri këtu, në përballjen me një nga fatkeqësitë më të mëdha të kohërave moderne, pandeminë e COVID19.
Kjo fazë e luftës kundër pandemisë nuk do mund të fitohej pa masat e forta të marra shpejt dhe pa mbështetjen e madhe të qytetarëve në zbatimin e tyre deri në mbylljen me sukses të Fazës 1.
Vendosmëria jonë e përbashkët, shmangu një tragjedi të ngjashme me Italinë mike dhe fqinje, e me vende të tjera shumë më të fuqishme se Shqipëria. Por lufta vazhdon dhe që ta fitojmë edhe Fazën 2, siç fituam Fazën 1, ne duhet të vazhdojmë të jemi të bashkuar.
Marrja e opinionit tuaj sot mbi çfarë kemi bërë së bashku deri këtu, ka një vlerë të çmuar për të formësuar vendimet e vështira që duhen marrë më tej dhe për të ndihmuar sa më mirë njëri-tjetrin.
Mirënjohje,
Platforma e Bashkëqeverisjes kundër COVID19
Nëntë pyetjet e sondazhit:
A jeni dakord që mbrojtja e shëndetit duhet të ketë përparësi mbi shqetësimet ekonomike në muajt në vijim?
A jeni dakord që vendimi i mbylljes së kufijve dhe mbyllja e plotë në fillim të marsit, ishin baza e rezultatit deri tani të shkëlqyer kundër COVID19?
A jeni dakord me masat shtrënguese që u përdorën gjatë Fazës 1 në të gjithë vendin?
A jeni dakord me 2 paketat ekonomike të qeverisë për të ndihmuar njerëzit dhe bizneset gjatë Fazës 1?
A jeni dakord me ndihmën me bluza të bardha që kryeministri Edi Rama i dërgoi Italisë?
A jeni dakord me vendimin e qeverisë për të mos prekur pagat e administratës dhe pensionet suplementare pavarësisht situatës së jashtëzakonshme ekonomike që krijoi pandemia?
A jeni dakord me opinionin se puna e sistemit shëndetësor kundër COVID19, i ka kaluar pozitivisht të gjitha pritshmëritë deri tani?
A jeni përgjithësisht dakord me menaxhimin që qeveria i ka bërë deri tani krizës së shkaktuar nga COVID19?
A jeni përgjithësisht dakord që kryeministri Edi Rama ka marrë vendimet e duhura për përballimin e krizës së shkaktuar nga COVID19?
