Një ditë më parë, policia ushtroi dhunë ndaj aktivistëve të Aleancës për Mbrojtjen e Teatrit dhe shoqërisë civile, që tentuan të organizohen në një protestë kundër masave ekstreme të vendosura nga Kryeministri Edi Rama.
Ndaj dhunës së ushtruar pati shumë reagime, ndër të cilat edhe nga Martin Henze, këshilltar ekonomik pranë CDU-së, i cili është mjaft kritik me Ramën dhe Qeverinë e tij.
Henze e konsideron Ramën armik të së drejtës dhe i drejtohet shqiptarëve me një apel për vetëmbrojtje.
“Në Shqipëri njerëzit janë sovrani, Rama është një kryeministër i paligjshëm, Veliaj është një kryetar i paligjshëm, Balla ka marrë pjesë në zgjedhje të paligjshme.
Populli shqiptar natyrisht ka një të drejtë të vetëmbrojtjes kundër armiqve të kushtetutës, siç është Rama”, shkruan Henze.
